LATEST NEWS


SEC. AGUIRRE TUMANGGING MAPABILANG SA SENATORIAL SLATE NG PDP-LABAN



Isa rin si Justice Secretary Vitaliano Aguirre sa mga napupusuang maging kandidato ng PDP-Laban para sa eleksyon 2019.

Gayunman, gaya ni Secretary Harry Roque, ang tagapagsalita ng Palasyo, nais nitong mag-focus muna sa kasalukuyang mandato nito.

Sa ngayon, wala raw plano ang kalihim na tumakbo bilang senador sa darating na eleksyon dahil marami pa siyang pwedeng magawa sa departamento.

Ani Aguirre, siya ay naatasan ng Pangulo na linisin ang ahensya at sugpuin ang iligal na droga, kurapsiyon pati na rin ang kriminalidad.

Sa kabila ng desisyon nito, nagpapasalamat anya siya sa ipinakitang tiwala ni House Speaker Pantaleon Alvarez.