LATEST NEWS


DAGDAG-BAWAS SA PRESYO NG PETROLYO, EPEKTIBO NGAYONG ARAW



Magkakaroon ng dagdag presyo sa gasolina hanggang bawas presyo naman sa diesel simula alas-sais ng umaga ngayong araw ng Martes.

Aabot sa P0.30 kada litro ang madadagdag sa presyo ng gasolina habang P0.15 naman kada litro naman ang mababawas sa presyo ng diesel.

Wala namang paggalaw sa presyo ng kerosene.

Ilan sa mga kumpanyang nag-anunsyo ng dagdag-bawas sa presyo ng langis ay ang Shell, Flying V, PTT Philippines, Petro Gazz, SEAOIL, Caltex, Eastern Petroleum, Phoenix Petroleum, Jetti Petroleum at Petron.

Samantala, sa Agosto inaasahang darating ang inangkat ng gobyerno na animnapung milyong litrong diesel na inaasahang mas mababa ng P5 hanggang P6 kumpara sa kasalukuyang presyo nito.