LATEST NEWS


SEN. ZUBIRI, NAGBABALA NA MAGIGING MAGULO SA SONA KUNG GAGAMITIN NG ILANG MAMBABATAS BILANG 'CON-ASS'



Nagbabala si Senate Majority Leader Juan Miguel Zubiri na magiging magulo umano ang SONA kung gagamitin ito ng ilang mambabatas upang magtipon-tipon bilang isang Constituent Assembly (Con-Ass).

Ayon sa Senador, hindi ito ang tamang forum upang isagawa ang nasabing asembliya.

Banta ni Zubiri, maaari umanong mag 'walk-out' ang ilan sa mga kasamahan niya sa Senado, kaya naman nananawagan ito sa mga kapwa niya mambabatas na huwag nang tangkain ang nasabing hakbang.

Ang Con-Ass ay isa sa dalawang paraan ng pag-amyenda sa Konstitusyon kung saan ang mga nakaupong mambabatas ang hihimay at babago sa Konstitusyon.

Sa Lunes ng umaga, bubuksan ng Senado at Kamara ang ikatlo at huling regular session ng 17th Congress habang sa hapon naman magsasagawa ng joint session ang parehong kapulungan para sa SONA ng pangulo.