LATEST NEWS


BOTIKA NG BAYAN, MULING INILUNSAD NG DOH



Muling inilunsad ng Department of Health (DOH) ang kanilang Botika ng Bayan Program.

Layon ng nasabing programa na mabigyan ng dekalidad, abot-kaya at agarang medikal na atensyon ang mga Pilipinong nangangailangan.

Target ng Botika ng Bayan Program na maserbisyuhan ang nasa 2,600 rural health units sa bansa na magbibigay ng libreng gamot sa publiko partikular sa mga sakit gaya ng skin asthma, impeksyon at iba pa.

Sa muli nitong paglulunsad, kabilang na rin sa mga target na benepisyaryo ang Philippine National Police (PNP) at Armed Forces of the Philippines (AFP).

Matatandaang pansamantalang itinigil ang nasabing programa noong 2011 dahil sa kabi-kabilang isyu kabilang na ang kakulangan sa mga mangangasiwang pharmacists.