LATEST NEWS


NASA 10-K PANTAWID PASADA CARDS, IPAMAMAHAGI NG PAMAHALAAN SA JULY 17, 18



Nakatakdang ipamahagi ng Land Transportation Franchising and Regulatory Board (LTFRB) ang nasa sampung libong Pantawid Pasada cards ngayong araw July 17 at bukas, July 18.

Ipamamahagi ng ahensya ang mga Pantawid Pasada Cards sa mga lehitimong nagmamay-ari ng prangkisa.

Ang mga benepisyaryong nagsisimula sa A to M ang apelyido at nasa opisyal na listahan ng LTFRB ang makatatanggap ngayong araw.

Samantala, ang mga nasa N to Z naman ang makatatanggap sa Miyerkules.

Mangyari lamang na magdala ng isang ID picture, photocopy at original copy ng isang valid ID at proof of franchise upang makuha ang card.

Bukas ang LTFRB Main Office sa Quezon City mula alas-otso ng umaga hanggang alas-singko ng hapon.

Noong isang lingo ay inaprubahan ang Pantawid Program upang matugunan ang patuloy na tumataas na presyo ng petrolyo dulot ng Tax Reform for Acceleration and Inclusion (TRAIN) Law.