LATEST NEWS


GOBYERNONG DUTERTE POSIBLENG MAG-ANGKAT NG PRODUKTONG PETROLYO SA RUSSIA



Pinag-aaralan ng kasalukuyang administrasyon ang posibilidad na makapag-angkat ng produktong petrolyo mula sa Russia.

Ayon sa tagapagsalita ng Palasyo na si Sec. Harry Roque, sa pamamagitan nito, hindi na kakailanganin pang umasa palagi ng Pilipinas sa Organization of Petroleum Exporting Countries(OPEC) na mahal ang ibinibentang produktong petrolyo.

Sa ngayon hindi pa pinapangalanan ang mga negosyanteng may umano'y direktang koneksyon sa Russia na nagpakita ng interes sa naturang ideya.

Ngunit tiniyak ni Roque na makararating ito kay Pangulong Duterte.

Aniya mababa ang bentahan ng mga produktong petrolyo sa Russia kumpara sa retail prices ng mga kumpanya ng langis dito sa Pilipinas.