LATEST NEWS


SENADO MULING KINWESTIYON ANG MGA PROYEKTO NG DOTR



Kinwestiyon ni Senate President Pro Tempore Ralph Recto ang ilang proyekto ng Department of Transportation na hindi nagawa kahit na pinondohan na ito noong nakaraang taon.

Aabot sa P4.125 bilyong piso ang kabuuang halaga ng mga ito.

Sa ginanap na budget deliberation ng Senado, hinanap ni Recto ang mga nasabing proyekto – kabilang dito ang mga locally-funded projects para sa pagsasaayos ng mga tanggapan ng Land Transportation Office (LTO), Land Transportation Franchising and Regulatory Board (LTFRB) at sa mga paliparan.

Sinita rin ng senador ang ilang mga hindi pa nasisimulang proyekto ng ahensya na pinondohan noong 20-16 at ngayong taon – tulad ng Cebu Rapid Transit Project, M-R-T Line 2 sa EDSA B-R-T at M-R-T Bus Rapid Transit Line 1.

Dahil dito, nagbanta ang senador sa posibilidad ng pagkakaroon ng pagbawas sa pondo o budget cut para sa ahensya sa susunod na taon.