LATEST NEWS


SILUNGAN PARA SA MANGINGISDA, ITINATAYO SA BATANES



Nagtatayo ngayon ang pamahalaan ng isang silungan o 'shelter' para sa mangingisda sa Isla ng Mavulis na matatagpuan sa katimugang Batanes, upang magsilbing palatandaan na nasa ilalim ito ng pangangalaga ng Pilipinas.

Ayon ito sa isang opisyal ng Militar na si Lieutenant Col. Isagani Nato, Information Chief ng Northern Luzon Command.

Ayon kay Nato, bagaman hindi naman ito kasama sa mga pinagtatalunan na teritoryo, sinisigurado na ng pamahalaan na hindi ito mao-okupahan ng mga dayuhan.

Ang Mavulis ay isang uninhabited island, na may habang 22 kilometro at lapad ng isang kilometro, na matatagpuan 288 kilometrong layo sa timog ng main island ng Luzon.

Nag-umpisa nang itayo ng militar ang shelter noong nakaraang Linggo lamang at planong matapos sa buwan ng Agosto.

Ang nasasabing shelter ay magsisilbing multipurpose na pasilidad.